وژن 2030 کے تحت سعودی عرب عالمی سطح پر صحت کے میدان میں نمایاں مقام حاصل کررہا ہے، جسے عالمی سطح پر بھی تسلیم کیا جا رہا ہے۔
مزید پڑھیں
مریضوں کی حفاظت کے تربیتی ماہر سلطان المطیری نے کہا ہے کہ سعودی عرب وژن 2030 کی بدولت عالمی سطح پر صحت کی خدمات کے میدان میں نمایاں مسابقت کر رہا ہے اور عالمی ادارۂ صحت کے اعتراف نے اس کی بین الاقوامی ساکھ کو مزید مستحکم کیا ہے۔
ایک ٹی وی پروگرام میں گفتگو کرتے ہوئے انہوں نے بتایا کہ وژن 2030 تخلیقی اور اختراعی خیالات کو فروغ دیتا ہے، جو صحت کے شعبے میں
جدت اور ترقی کا باعث بن رہے ہیں۔ انہوں نے کہا کہ یہ وژن نہ صرف نظام میں بہتری لا رہا ہے بلکہ ادارہ جاتی سطح پر بھی وسیع تبدیلیوں کی راہ ہموار کر رہا ہے۔
سلطان المطیری کا کہنا تھا کہ مملکت اس وقت صحت کی دیکھ بھال کے میدان میں صفِ اول میں شمار کی جا رہی ہے اور معیاری طبی خدمات کی فراہمی اور بین الاقوامی شراکتوں میں نمایاں مقام حاصل کرنے کے لیے مسابقت کر رہی ہے۔
انہوں نے مزید کہا کہ عالمی سطح پر حاصل ہونے والے اعتماد نے سعودی نظامِ صحت کی مثبت حیثیت کو تقویت دی ہے اور اسے بین الاقوامی معیار کے مطابق بیان کیا ہے۔