انڈیا کے وزیر اعظم نریندر مودی نے اے آئی امپیکٹ سمٹ 2026 کے موقع پر سعودی وفد کے سربراہ اور سعودی ڈیٹا و مصنوعی ذہانت اتھارٹی ’سدايا‘کے صدر ڈاکٹر عبداللہ الغامدی سے ملاقات کی۔
مزید پڑھیں
یہ ملاقات اس عالمی سربراہی اجلاس کے موقع پر ہوئی ہے جو اس وقت انڈیا کی میزبانی میں منعقد ہو رہا ہے۔
ملاقات کے دوران دونوں رہنماؤں نے سعودی عرب اور انڈیا کے درمیان ڈیٹا اور مصنوعی ذہانت کے شعبوں میں تعاون کے امکانات پر تفصیلی تبادلہ خیال کیا۔
اس موقع پر تجربات کے تبادلے، علم کی منتقلی اور جدید ٹیکنالوجی
کے میدان میں مشترکہ اقدامات کو فروغ دینے پر زور دیا گیا، تاکہ دونوں ممالک اپنے اپنے ڈیجیٹل ترقیاتی اہداف حاصل کر سکیں۔
ڈاکٹر عبداللہ الغامدی نے انڈیا کے وزیر اعظم کا اجلاس کی میزبانی پر شکریہ ادا کرتے ہوئے انتظامات اور پرتپاک استقبال کو سراہا۔
انہوں نے کہا کہ اے آئی امپیکٹ سمٹ 2026 کا انعقاد اس بات کا ثبوت ہے کہ بھارت جدید ٹیکنالوجی کے شعبے میں عالمی تعاون کو فروغ دینے کے لیے سنجیدہ ہے اور مؤثر شراکت داریوں کے قیام کے ذریعے مصنوعی ذہانت کو انسانیت کی خدمت کے لیے بروئے کار لانے کا خواہاں ہے۔
یہ ملاقات دونوں ممالک کے درمیان تیزی سے بڑھتے ہوئے تکنیکی روابط کی عکاسی کرتی ہے اور اس بات کی نشاندہی کرتی ہے کہ سعودی عرب اور انڈیا مستقبل میں مصنوعی ذہانت اور ڈیٹا کے میدان میں قریبی اشتراک عمل کے ذریعے نئی پیش رفت کی جانب گامزن ہیں۔