بین الاقوامی فلکیاتی مرکز نے آج منگل کو سورج اور چاند کے غروب کے اوقات سے متعلق فلکیاتی حسابات کی تفصیلات بیان کی ہیں۔
فلکیاتی مرکز نے صورتحال کی نشاندہی کرتے ہوئے کہا ہے کہ مختلف شہروں میں چاند ڈوب جانے اور سورج غروب ہونے کے اوقات قریب قریب ہوں گے جس سے رمضان کے چاند کی رویت زیادہ احتیاط کی ضرورت ہوگی۔
مزید پڑھیں
سبق ویب سائٹ کے مطابق مرکز نے بتایا کہ اس مہینے کے لیے غروبِ چاند کا حساب عام طریقے سے اوپری کنارے upper edge کی بجائے چاند کے نچلے کنارے lower edge کے لحاظ سے کرنا ضروری ہے کیونکہ اگر ہلال موجود ہوگا تو وہ اسی کنارے کے قریب ہوگا، جو ہلال دیکھنے والے اور ماہرین کے لیے صحیح نتیجہ حاصل کرنے کے لیے اہم ہے۔
بین الاقوامی فلکیاتی مرکز نے بتایا ہے کہ یہ حسابات ان ممالک کے لیے ہیں جہاں آج منگل کا دن 29 شعبان کے ساتھ مطابقت رکھتا ہے جبکہ وہ ممالک جن میں آج 28 شعبان جیسے پاکستان، بنگلادیش، ایران، مراکش اور دیگر وہاں ہلال کی تلاش اگلے دن کریں گے۔
رپورٹ نے اس بات پر زور دیا کہ فلکیاتی نتائج کی درستگی کے لیے چاند کے کنارے کے فرق کو مدنظر رکھنا ضروری ہے۔