وزیر اسلام امور، دعوت و ارشاد ڈاکٹر عبد اللطیف بن عبد العزیز آل شیخ نے مساجد میں نماز کے دوران اماموں اور نمازیوں کی تصویری یا ویڈیو ریکارڈنگ پر پابندی عائد کی ہے۔
انہوں نے اس بات پر زور دیا ہے کہ یہ اقدامات عبادت میں خلوص کو برقرار رکھنے اور ہر اس چیز سے بچنے کے لیے ہیں جو ریاکاری یا تعریف کی طلب پیدا کر سکتی ہے۔
مزید پڑھیں
سبق ویب سائٹ کے مطابق ڈاکٹر آل شیخ نے وضاحت کی کہ وزارت نے مساجد کی تیاری، نمازیوں کی خدمت، روزہ داروں کے افطار کے انتظامات اور ضوابط و ہدایات کی پابندی کے لیے نگرانی کیمپینز کے لیے ہدایات جاری کی ہیں۔
انہوں نے اماموں اور موذنوں پر زور دیا کہ رمضان میں وزارت کی ہدایات پر مکمل عمل کریں، اپنے فرائض باقاعدگی سے انجام دیں، اذان
کے اوقات کا تقویمِ ام القرى کے مطابق خیال رکھیں اور مقررہ اوقات سے آگے یا پیچھے نہ ہوں۔
وزیر نے بتایا کہ وزارت اس معاملے میں کسی بھی خلاف ورزی کو برداشت نہیں کرے گی، کیونکہ اذان اور نماز کے اوقات مقررہ تقویم کے مطابق ہیں اور ان کی پابندی لازمی ہے۔
انہوں نے اذان کے بعد اقامت کی مدت کو 15 منٹ تک محدود کرنے کی ہدایت دی، خاص طور پر فجر اور عشاء کی نمازوں میں تاکہ نمازیوں کے لیے آسانی ہو اور تراویح و قیام کی نمازوں میں طول یا مشکلات پیدا نہ ہوں۔